ASÍ CELEBRAMOS O DIA DA PAZ

Este ano comenzamos a semana para festexar o Día da Paz partindo do conto "No hay tiempo" de Annabelle Rios. Da man deste libro reflexionamos sobre o tempo que adicamos, ou non, no noso día a día, ás cousas verdadeiramente importantes. 

Mostramos esta realidade pendurando nunha rede cos botes de cristal que trouxeron todas as familias e onde está gardado un tempo importante e valioso para eles, e que podemos ver seguindo os barquiños de papel  e que levan escrito outro momento importante para ás familias.

Por outra banda, puxemos nos corredoiros unhas Pombas da Paz decoradas con plumas onde as familias tamén escribiron unha mensaxe que recolle un momento, unha experiencia, un anaquiño do tempo tan importante e tan escaso.

E como punto final, cantamos todos xuntos a canción "Odio por amor" de Juanes.

MOITAS GRAZAS FAMILIAS POLA VOSA COLABORACIÓN.

Novas aportacións

Na aula dos PINGÜÍNS seguimos a ter novas aportacións de material relacionado co noso proxecto.

A pasada semana LEIRE nos trouxo un libro con moita información dos PINGÜÍNS; LAIA contounos todo o percorrido que fixo o noso amigo dende a escola ata a súa casa na ANTÁRTIDA , así como nos falou acerca da FOCA WEDDELL; e ALBA fixo dous murais, nun deles contounos máis cousas acerca desta ave, e doutros animais que tamén viven no POLO SUR.

LAIA MOSTRANDO O PERCORRIDO

DOUS MOMENTOS NOS QUE ALBA FALOU DO PINGÜÍN E DOUTROS ANIMAIS DA ANTÁRTIDA

LEIRE CO SEU LIBRO

CONTACONTOS EN VILA LAURA

     Este venres tivemos unha contacontos que nos fixo adentrarnos dentro do libro U-la Lúa?, para tal ocasión vestímonos toda a escola coas nosas camisetas pola Igualdade. Este conto fálanos do amor, a familia e a amizade, onde valores como a tenrura, o respecto ou a solidariedade cobran importancia para levarnos a un mundo onde a violencia non ten cabida e a ilusión fai dos soños unha realidade.

Postal de Pingüi

Estes días pasados recibimos unha postal de PINGÜI. Por fin confirmamos as nosas sospeitas.

Como ben podedes ler, o noso amigo foi visitar á súa familia á ANTÁRTIDA. Sabedes onde é? Alí viven tamén outros animais, a ver se investigades qué outros animais podemos atopar no POLO SUR!

Frontal da postal

Reverso da postal

E así foi como comezamos a saber un pouco máis desta temática. Coñecer o noso planeta, identificar con cores o mar, a terra e os polos xeados, así como o camiño que tivo que percorrer o noso amigo ata chegar a ese lugar tan remoto!!

Primeiras aportacións á aula de 3 anos - B

Hoxe a nosa compañeira ALMA trouxonos á aula as primeiras aportacións dende a casa para o noso proxecto dos Polos. Desta forma, ALMA contounos cousas acerca dos PINGÜÍNS, qué comen, cómo se reproducen e que existen moitos tipos diferentes de pingüíns! Qué curioso!

Grazas pola vosa aportación!!

Traballo feito na casa sobre o PINGÜÍN

Explicación do OVO

Fermoso conto sobre o Pingüín Marcelino

Na aula de 3 ANOS - B comezamos a traballar as nosas EMOCIÓNS, a coñecelas e, pouco a pouco, a identificalas nos demáis e en nós mesmos.

Partimos do conto "O monstro de cores" para seguir incorporando novas emocións ao longo do curso.

E como dí este relato, comezamos a "encher os botes" coas emocións que sentíamos hoxe durante a nosa asemblea diaria. A continuación pintamos o noso particular monstro de cores acorde coa emoción escollida.

E ti,... como te sintes hoxe?

Botes de cores na nosa asemblea

Intre no que un alumno pon a súa emoción dentro do bote correspondente

 

Monstros de cores na aula

Aniversario de Andrew

Onte xoves conmemorouse na aula de 3 ANOS-B o aniversario de ANDREW que cumpríu connosco 4 ANOS.

MOITAS FELICIDADES ANDREW

Estes días pasados apareceron na aula de 3 ANOS-B unhas pisadas laranxas.

Despois de facer as nosas hipótesis, descubrimos que eran as pegadas do noso PINGÜÍN que marchou. O caso é... para onde foi? por qué? e moitas outras dúbidas que trataremos de despexar nos vindeiros meses!!

Comezamos co PROXECTO DOS POLOS!! Animádesvos a participar? Todas as vosas aportacións serán ben recibidas!

Despois de moito cavilar, decidimos ver as cámaras de seguridade do centro e... queredes ver o que atopamos? A continuación vos deixamos o vídeo!

Elaborando colares

O alumnado da aula de 3 ANOS - B están a traballar dende fai tempo na súa motricidade grosa e fina. Unha actividade moi aconsellable é a de "coser" (ensartar) e a motivación consiste en elaborar bonitos colares cos que despois andan pola aula.

A continuación podedes ver unhas mostras da nosa aula acompañadas de fermosos sorisos!

ANIVERSARIO DE LÚA E EDGAR

Hoxe conmemoramos na nosa aula os aniversarios de LÚA e de EDGAR que cumpriron 4 ANOS, os primeiros en cumprir neste 2020!

Cantamos as xa tradicionais cancións de "cumpreanos feliz" en castelán e inglés, e degustamos un rico biscoito e unhas deliciosas magdalenas!!

MOITAS FELICIDADES EDGAR E LÚA