Rematamos os obradoiros organizados polo Concello de Viga da campaña "Camiña con nós pola Igualdade" contándolle ás aulas das Tartarugas e Xirafas o conto "Nos tratamos bien", de Lucía Serrano. Magnífica historia sobre a amizade, o respeto e a importancia de tratarnos ben.
Fixemos dous obradoiros, un debuxo onde a través das cores reflexan o que lles facía feliz e outro taller onde con perrucas, antefaces, gafas e distintos elementos transformaban a cada un deles.
Co gallo do Día do Libro visitáronnos na escola nenos e nenas do IES do Castro para contarnos un conto aos rapaces de 5 anos. Leron, interpretaron e animaron as súas historias, foi unha sesión de apadriñamento lector única.
Nós, como agradecemento lles fixemos durante a semana un marcapáxinas cunha flor feita co lápis 3D.
O pasado 3 de decembro, con motivo da conmemoración do Día Internacional das Persoas con Discapacidade, o Departamento de Orientación da EEI Vila Laura organizou unha fermosa actividade para todo o alumnado.
Na biblioteca do centro gozamos dun contacontos moi especial, dirixido pola especialista de Audición e Linguaxe, arredor do libro “O voo de Sofía” (Editorial Cuento de Luz). Esta historia fálanos de Sofía, unha libélula con ansiedade pola incerteza, que un día deixa de voar. A súa nai, para axudala, crea unha axenda visual que lle proporciona a anticipación necesaria. Grazas a esa estrutura, Sofía recupera a calma e volve voar feliz.
A través deste relato aprendemos que, con apoio e comprensión, todos e todas podemos superar os medos e atopar o noso propio ritmo.
Tras o contacontos, cada grupo continuou a actividade nas aulas, onde, seguindo instruccións con pictogramas, elaboraron a súa propia libélula de Sofía. Así, o alumnado puido poñerse no lugar da protagonista e comprender mellor o valor da diversidade, a empatía e a superación.
As nosas pequenas libélulas marcharon para casa levando con elas unha mensaxe chea de cor e respecto:
✨ todas as ás, grandes ou pequenas, poden voar se lles damos oportunidade.
Coidamos, compartimos e aprendemos xuntos cada día na EEI Vila Laura
Co gallo do Día Internacional das Bibliotecas en España inauguramos a nosa biblioteca escolar para este curso 2025-2026 da man da Mestra Mari da clase dos Astronautas que nos interpretou o marabilloso conto Aurelio.
Neste encontro coas familias os cativos fixeron marcapáxinas co morcego Aurelio, pintamos ao noso Plumas impreso en 3D para facer un chaveiro con el, seguimos o camiño das grafías das letras con pedriñas e usuando as pinzas intentamos atopar cada letra e gardala na súa casiña.
E desde logo, lemos contos, contos en familia.
Os nenos e nenas de 5º e 6º de Educación infantil asistiron a unha gran representación do conto O Monstruo de Cores por parte do grupo de teatro de Tránsito á vida adulta do CEEPR Fogar e Clínica San Rafael, "Os Asomados".
Moitas grazas pola vosa visita, marabillosa función.
Este ano a través da ANPA os nenos/as da escola tiveron a visita dunha contacontos que relatou e interpretou o conto "Os porcos". Fixeron un mural por cada nivel cos debuxos dos rapaces e rapazas.
Moitas grazas.
O nenos e nenas de 4 anos grazas a ANPA MAGNOLIA en colaboración coa empresa IMAXINA asistimos a unha sesión de contacontos achegándolle aos cativos valores de igualdade, respeto e solidaridade.
Esta última semana de troula e despedidas, os exploradores e Indios disfrutaron da visita dunha contacontos especial, María José,a nai de Mario Barciela, que nos agasallou con contos de maceiras e mazás ecolóxicas de Mos.
Gustounos moito o conto con kamishibai!! Graciñas.
Un ano máis celebramos o Día Internacional da eliminación da violencia contra as mulleres a través das seguintes actividades:
- Decorando a biblioteca de cor violeta e representativo do 25N
Os nen@s de 6º de Infantil asistiron na biblioteca a unha representación con monicreques sobre o pintor Laxeiro. Encantoulles, pasáronno moi ben.
