VÉMONOS O 9 DE SETEMBRO

 

Participación dunha curta en Nós Tamén Creamos!

Un ano máis a nosa escola participou no programa de dinamización lingüística "Nós tamén creamos!", da Secretaría Xeral da Lingua e da Dirección Xeral de Ordenación e Innovación educativa, en colaboración coa Corporación de Servizos Audiovisuais de Galicia e OQO Editora.

Deixámosvos a continuación o enlace para poder visualizar a nosa curta na que participaron  as aulas de 5º nivel (4 anos) e leva por título "Algo pasa na casa do lobo".

https://www.xabarin.gal/videos/detail/375434-eei-vila-laura-algo-pasa-na-casa-do-lobo

VIOLETA MONREAL, ILUSTRADORA E ESCRITORA

Para finalizar o noso proxecto anual, ARTEllando no Vilalaura, trouxemos a ilustradora Violeta Monreal, para realizar tres obradoiros, un por cada nivel, onde ía creando personaxes únicos transmitíndonos ao mesmo tempo os seus valores fundamentais como son a confianza nas nosas ideas, o respeto á creatividade do outro. o valor da constancia e a beleza do imperfecto.

Gran ilustradora con mans de fada e corazón de nena achégase aos máis cativos a través dun mundo de fantasía. Trasgos, bruxas e dragóns salen da súa bolsa e das súas mans un incrible despliegue de imaxinación e destreza.

Unha visita marabillosa e fantática!!

                                

Apadriñamento lector cos rapaces do CEP Dr. Fleming

Os nenos e nenas de 6º de primaria do CEP Dr. Fleming co gallo do día do libro prepararon uns contos que viñeron a interpretar ao noso cole ás aulas das Abelliñas, Tartarugas e Xirafas. 

Foi unha gran sesión de apadriñamento lector.

Día das letras galegas en Vila Laura

Durante a semana previa ao 17 de maio realizamos unha serie de actividades propostas desde o equipo de dinamización da lingua galega para conmemorar o día das letras galegas adicado a Begoña Caamaño.

As Xirafas indagaron sobre a vida de Begoña Caamaño e fixeron unha pequena entrevista na radio realizando un podcast onde entrevistados e entrevistadores falaban un pouco dela. Asemade contáronnos os xogos populares que iamos facer todas as aulas no patio.

            https://drive.google.com/file/d/1HsJBol0cHv81i0W-9rGgQPoJIofs_fAu/view?usp=sharing

No seguinte vídeo podedes ver os distintos xogos dos que disfrutamos: petanca, carreira de padiolas, zancos e aros. 

O xoves saimos todos xuntos ao patio e cantamos a cantiga "Begoñísima" de Uxía e Malvela que disfrutaron moitísimo.

Rematamos os actos conmemorativos das letras galegas cunha sesión especial sobre Begoña Caamaño e a cantiga As árbores da fraga de Fol do Vento sobre as árbores galegas a cargo de Rosa e Elena, dúas mestras eméritas da nosa escola sempre dispostas a colaborar.

AS NOSAS CIDADES

Co gallo do Día do libro seguimos "Artellando" e neste caso partindo do conto "Non é unha caixa" de Antoinette Portis construimos cada aula a súa cidade, entre todos fixemos unhas construcións únicas.

Obradoiro "Camiña con nós pola Igualdade"

Rematamos os obradoiros organizados polo Concello de Viga da campaña "Camiña con nós pola Igualdade" contándolle ás aulas das Tartarugas e Xirafas o conto "Nos tratamos bien", de Lucía Serrano. Magnífica historia sobre a amizade, o respeto e a importancia de tratarnos ben.

Fixemos dous obradoiros, un debuxo onde a través das cores reflexan o que lles facía feliz e outro taller onde con perrucas, antefaces, gafas e distintos elementos transformaban a cada un deles.

Directo na Radio Galega

Este tercer trimestre os nenos e nenas de 6º de infantil comezamos co proxecto "Somos Xornalistas" e aproveitando que a tía de Mara é periodista achegouse a nosa escola para explicarnos como se fai un informativo, como é un plató de televisión e todo o equipo que está detrás dos informativos. Presentounos a Xabarín, a mascota da programación infantil e despois dividímonos en grupos que serían as nosas seccións e fixemos unhas pequenas gravacións de entrevistas que estanse a editar. Será toda unha sorpresa!

Con ela fixemos unha conexión en directo co programa de radio da TVG e regaláronnos unha mochila de Xabarín que nos encantou.

Moitas grazas.

Apadriñamento lector cos rapaces do IES do Castro

Co gallo do Día do Libro visitáronnos na escola nenos e nenas do IES do Castro para contarnos un conto aos rapaces de 5 anos. Leron, interpretaron e animaron as súas historias, foi unha sesión de apadriñamento lector única.

Nós, como agradecemento lles fixemos durante a semana un marcapáxinas cunha flor feita co lápis 3D.

Descubrindo o cine con rapaces do Instituto

Soralla, a nai de Noé da clase de Exploradores, acudiu co seu alumnado do Instituto Santo Tomé para levar a cabo a actividade "Como funciona o cine".

Explicáronnos a evolución do cine desde os seus inicios, faláronnos de como facer unha animación coa técnica de stop motion e visualizamos algunhas curtas en branco e negro grazas a un proxector Súper 8.

Despois nas aulas cada neno elaborou o seu proxecto empregando vasos plásticos, rotuladores e lanternas. O resultado foi incrible!

Moitas grazas pola vosa colaboración.

Limpando dentes...

Desde a Clínica Bastida visitaron a nosa escola para concienciarnos e explicarnos como manter sanos os dentes. Cepillaron ao dinosaurio e cantamos cancións de como loitar contra a carie.

Concerto de Pakolas

O Concello de Vigo convidounos ao concerto de Pakolas no auditorio municipal, e alá fomos os nenos e nenas de 6º de educación infantil. Xunto coa súa guitarra presentounos a Ecoralia, a lambona ecolóxica.

 A través das súas cancións a ritmo de rock e explicacións aprendemos sobre os beneficios de consumir alimentos ecolóxicos, como coidar o medio ambiente tanto na terra coma no mar, combater o cambio climático e garantir o benestar animal.

Villa Romana de Toralla

Como remate do proxecto de Grecia e Roma os cativos de 5 anos visitamos o Centro de Interpretación do Mundo Romano e o seu anexo, o xacemento arqueolóxico municipal da Villa Romana de Toralla achegádonos así ao pasado romano da cidade de Vigo.

Dentro explicáronnos como vivían naquela época, cómo chegaron os romanos e como conviviron as relacións comerciais que estableceron e atopamos cerámicas, moedas, restos fúnebres, evidencias da existencia dun muíño... Sorpredéunos as xigantescas ánforas e descubrimos por qué tiñan esa forma puntiaguda na base: para o seu mellor transporte nos barcos.

Fóra, visitamos as Villae, residencias unifamiliares de elementos de luxo e prestixio, entramos nas diferentes habitacións, na cociña, comedor, no almacén, nas termas, nas salinas. Para dar calor as estancias, na parte inferior descubrimos unha cámara subterránea con columnas de ladrillo onde circulaban as chamas producidas por un forno exterior que aínda podemos ver.

Foi unha visita moi interesante onde aprendimos moitas cousas.

Conderto de Amadeus na escola

A Escola de Música Amadeus ofreceunos a todo o colexio un concerto na escola acompañados de instrumentos como o Violonchelo, o violín, a caixa, a batería, o órgano, a frauta...

Cantamos, rimos, e bailamos. FANTÁSTICO!!!

Moitas grazas

 

 

MULLERES NA ARTE

Co gallo do Dia da Muller este ano seguindo o noso proxecto anual de "ARTEllando en Vila Laura" puxemos o foco en mulleres pintoras vanguardistas, que buscan novas formas de expresión, liberdade creativa e unha experimentacións constante. Seguindo a estas pintoras creamos os nosos propios cadros surrealistas, hiperrealistas, cubistas, dadaistas....

No vídeo podedes visualizar as nosas marabillosas creacións.

Mergullando sobre Grecia e Roma

Nas últimas semanas co proxecto de Grecia e Roma acompañaron ás Abelliñas familias que nos achegaron máis curiosidades e aprendizaxes destas cidades antigas.

Lorena, a nai de Jacobo, falounos dos descubrimentos dalgúns matemáticos como Tales de Mileto que nos ensinou como ver alturas medindo e comparando sombras; Pitágoras, ao que lle entusiasmaban os triángulos e nos deixou o seu Teorema e os números triangulares; Teano que nos dixo como recoñecer os números pares e impares e Hipatia de Alejandría, que inventou o Astrolabio co que podían  recoñecer as estrelas o que o facía importantísimo para a navegación.

Carlota (nai de Hernán) e Gemma (nai de Roque) ensináronnos como se facían os mosaicos, que materiais empregaban e ensináronnos moitos exemplos. Sorprendéronnos!, démonos conta de que temos moitos ao noso arredor

 

Con Irene e Alejandro coñecemos a illa de Sifnos, faláronnos da súa viaxe a Atenas, da deusa Niké á  que se lle atribúe o debuxo da marca, soubemos que o mármore utilizado na Acrópolis provén das canteiras locais, destacando o mármore pentélico. Para finalizar, fixeron un xogo de palabras, descubrindo a orixe e etimoloxía dalgunhas palabras que forman parte do noso vocabulario.

Moitas grazas a todas as familias pola vosa colaboración.

SEMENTANDO NA HORTA

Unhas veces dentro e outras fora imos traballando na nosa horta!!!

Estes días tocounos facer sementeiras, plantando, abonando, acolchando, regando...

ABELLAS NA ESCOLA

Os nenos e nenas de 6º de educación infantil tiveron unha actividade moi bonita na biblioteca, coñeceron un pouco máis ás Abellas.

Faláronlles da súa morfoloxía, de como é súa evolución pasando polas distintas fases, e unha vez vestido adecuadamente o apicultor, visitamos virtualmente unha colmea...de súpeto apareceu o apicultor cun favo na man!! Puidemos ver unha abella raíña e as obreiras nas celdas, quedamos abraiados!

Explicáronnos o procesado do mel e a súa extración, onde os rapaces puideron darlle voltas ao torno para xirar  e decantar o mel.

Déronnos a probar o polen, o mel e con cera cadaquén fiixo a súa candea.

Encantounos o obradoiro e aprendimos un montón de palabras novas: favo, afumador, enxame, opérculo, pabilo, cazapolen, piqueira, apicultor...

DESCUBRINDO OS CARBALLOS

Visitamos a Carballeira da Guía acompañados da asociación de veciños de Teis que nos levaron a única carballeira urbana de Vigo con árbores casi centenarios. Nese escenario, plantamos por grupos un carballo, fixemos o burato, engadímoslle o abono e con moito coidado plantamos á pequena árbore. 

Ensináronnos tres vacalouras, dous machos e unha femia e puidemos ver algúns insectos, bichos bola vermes, volvoretas e paxaros como paparrubios. 

Despois fixemos unha pequena ruta polo monte para explicar os traballos que se están realizando de eliminación de especies exóticas invasoras (acacias e eucalipto), e da recuperación do bosque autóctono. Nós contribuimos neste senso lanzando bombas de sementes

 

Contacontos na biblioteca

O alumnado de 5º e 6º de Educación Infantil participou na biblioteca dunha actividade desenvolta pola Fundación Igualarte "Todos e todas contamos", unha proposta inclusiva que contou cun obradorio.

CONTACONTOS:  A SEREA NO OCÉANO, un conto teatralizado onde unha serea se atopa coa beleza do mar e co maltrato que este recibe (lixo). Unha historia sobre a concienciación do coidado dos océanos. Aparecerán varios elementos sensoriais: a canción, os ruídos, as pompas... 

Como obradoiro, decoraron unha silueta dunha medusa, pegaronlle tentáculos de cores de celofán e puxéronlle un fío para poder colgala. Pasámolo moi ben.

 

ENTROIDO 2026

Este ano para celebrar o entroido partimos do proxecto anual do centro, Artellando en Vila Laura, e se no primer trimestre centrámonos na pintura, nesta ocasión mergullámonos no arte do cine. 

Decoramos a escola con guirnaldas, con películas infantís dos que partiron os disfraces, fixemos unha ginkana usando códigos QR por niveis, onde o eixe eran as películas elixidas para o entroido. 

Este proxecto deunos pé a coñecer un pouquiño o mundo cinematográfico, descubrindo palabras como Óscars, Premios Goya, claqueta, cámara de vídeo, rollo de película, sets, entrada de cine, acomodador, paseo da fama, estrelas, actriz, actor, director...

 

Contos cantados

As tartarugas participan nunha xornada de Radio escolar para celebrar o Día Mundial da Radio contando e cantando este conto.

OBRADOIRO DE "CAMIÑA CON NÓS POLA IGUALDADE"

 

CONCERTO POLO DÍA DA PAZ

Este ano celebramos o Día da Paz cun gran concerto amenizado pola chamada "Vila banda" á que pertencen os pais das aulas de 4º e 5º de Educación Infantil: Alba nai de Xacobe, Jacobo pai de Vega, Carlos pai de Nora e Adolfo pai de Oliver. Contaron tamén coa colaboración de Alice, a nosa mestra de Conversa, que se animou a darlle voz a estas grandes cancións. Os nenos e nenas estiveron ensaiando para facer os coros de: Love de The Beatles, Imagine de John Lennon, Eu teño alguén de María Fumaça e para finalizar o Himno da alegría de Miguel Ríos.

Durante toda a semana preparamos tamén unhas cariñas riseiras na biblioteca para acompañar no Día da Paz a canción de Miguel Ríos.

CALENDARIO DE ADVENTO

Os corredoiros da nosa escola enchéronse día a día de obras de arte realizando un calendario de Advento como parte do proxecto anual "ARTEllando". 

Aproveitamos así para a través de determinados cadros  coñecer aos pintores, os títulos, os museos,  percorrendo así algúns países e cidades. A partir destes creamos os nosos cadros do nadal e puxémoslles o noso título.

 

RECOMENDACIÓNS LECTORAS

 

https://www.edu.xunta.gal/centros/eeivilalaura/system/files/Libros%20recomendados%20xirafas.mp3

Decorando manteis

Así quedaron os manteis, cheo de debuxos que poderían ser verdadeiras postais do Nadal.

 

Martiño na Aula Sensorial

Rocío e Andrea contáronnos o conto "Martiño na noite de Reis" na aula sensorial, foi toda unha experiencia!!!

 

CONTACONTOS NA BIBLIOTECA

Kids&us interpretáronnos un conto en inglés a toda a escola titulado "Saving Christmas". 

Moitas grazas pola vosa actividade, desfrutamos moito!!

 

Día Internacional das Persoas con Discapacidade na EEI Vila Laura

 

O pasado 3 de decembro, con motivo da conmemoración do Día Internacional das Persoas con Discapacidade, o Departamento de Orientación da EEI Vila Laura organizou unha fermosa actividade para todo o alumnado.

Na biblioteca do centro gozamos dun contacontos moi especial, dirixido pola especialista de Audición e Linguaxe, arredor do libro “O voo de Sofía” (Editorial Cuento de Luz). Esta historia fálanos de Sofía, unha libélula con ansiedade pola incerteza, que un día deixa de voar. A súa nai, para axudala, crea unha axenda visual que lle proporciona a anticipación necesaria. Grazas a esa estrutura, Sofía recupera a calma e volve voar feliz.

A través deste relato aprendemos que, con apoio e comprensión, todos e todas podemos superar os medos e atopar o noso propio ritmo.

Tras o contacontos, cada grupo continuou a actividade nas aulas, onde, seguindo instruccións con pictogramas, elaboraron a súa propia libélula de Sofía. Así, o alumnado puido poñerse no lugar da protagonista e comprender mellor o valor da diversidade, a empatía e a superación.

As nosas pequenas libélulas marcharon para casa levando con elas unha mensaxe chea de cor e respecto:

✨ todas as ás, grandes ou pequenas, poden voar se lles damos oportunidade.

Coidamos, compartimos e aprendemos xuntos cada día na EEI Vila Laura

Visita dos pais das Abelliñas

Os pais de Manuel visitáronnos e contáronnos moitas cousiñas da Lúa, trouxeron area lunar e comprobamos como se facían os cráteres. Elaboramos o noso platillo volante e fixemos un carnet de Astronauta.

A nai de Valeria tamén nos acompañou e ensinounos como construir un cohete voador, encantounos o resultado!!!

Moitas grazas Lucía, Javier e Andrea pola vosa colaboración.