Visita do alumnado de 1º do CEP Fleming

Fai uns días que recibimos a visita do noso ex-alumnado, nenas e nenos que hoxe están no primeiro curso do CEP Fleming.

Tanto elas/eles coma nós, desexábamos esa visita: volvernos a ver, que poidesen disfrutar do novo patio, compartir momentos,...

Dúas aulas viñeron en cadanseu momento a representar na biblioteca un pequeno conto:

E as outras dúas aulas viñeron a contarnos un conto en pequeno grupo a todo o alumnado de 3 anos.

O acabar as actividades programadas, tanto o alumnado de primeiro curso como o noso alumnado de 4º educ. infantil, disfrutamos todos xuntos dun momento de convivencia e xogos no noso patio novo.

Agradecer dende aquí a visita do alumnado do CEP Fleming e ás súas titoras por compartir estes marabillosos momentos.

Apadriñamento lector

O pasado xoves 11 de maio, recibimos a visita do alumnado de 3º curso do CEP Dr. Fleming que levaron a cabo un apadrinamento lector coas nosas nenas e nenos da escola!

Repartidos por distintas estancias do centro, cada alumno/a de primaria leulles a 2/3 nenos/as de infantil un conto, nun ambiente relaxado e moi agradable.

Encantounos a experiencia!!

No blogue da biblioteca do CEP Dr. Fleming elaboraron un vídeo moi bonito:

https://xiralibronofleming.blogspot.com/2023/05/contacontos-no-vila-laura-con-3.html 

Día do Libro 2023

Este ano, para conmemorar o "Día do Libro", invitamos ao alumnado de 6º de Ed.Primaria do CEP Fleming a vir realizar unha actividade de apadrinamento lector connosco.

Distribuídos por todos os espazos do noso centro escolar, cada alumno/a de primaria sentouse con 2/3 alumnos da nosa escola e léronlles uns contos de infantil.

Unha actividade moi fermosa!!

A continuación, levaron a cabo un taller de poesía de Gloria Fuertes co noso alumnado de 5 anos nas aulas.

Vos deixamos unha pequena mostra do que foi esta conmemoración no centro.

Podedes visualizar tamén, no blogue do CEP Fleming, un vídeo que resume dita actividade. Para visualizalo, premer AQUÍ.

Adiviñas en galego

A pasada semana levamos a cabo a semana das ADIVIÑAS en galego, unha forma máis de potenciar a expresión oral do noso alumnado na Lingua Galega.

Tras recitar cadansúa adiviña na aula, puxémolas en común, por niveis, na biblioteca do centro ao remate da semana. Todo un éxito!! E o ben que o pasamos tratando de adiviñar qué era cada unha delas!!

Agradecer dende aquí ás familias pola súa colaboración e implicación nesta actividade complementaria.

A continuación vos deixamos unha representación de imaxes por niveis das exposicións na nosa biblioteca: